Լռություն

Սու՜ս, լռությունն է խոսում...
Այս լռությունը շատ բան է ասում,

Այս լռության մեջ խոսքեր են լսվում:

Խոսքեր, որ գուցե քաջություն չունեին

Դուրս գալ շուրթերից, ո'չ իմ և ո'չ քո...

Այս լռության մեջ աղմուկը շատ է,

Ականջ ծակող է ու փոքր-ինչ տհաճ:

Այս լռության մեջ լիքը ստորակետ,

Բազմակետ... շեշտե'ր այս լռության մեջ...

Այնինչ վերջակետն ինչ է, որ չկա

Այդքան բան ասող, շատ խոսքեր լսվող

Այս լռության մեջ:
Սու՜ս, լռությունն է խոսում...

/30.01.2014/